唔识曹达华，肯定唔係港澳人。华叔于香港影圈响垛几十年，《如来神掌》之龙剑飞，时装片中的华探长，“银坛铁汉”已成招牌。从创立影片公司、拥有片场，拍片无数，乃至拥有全港首架自动波车，至晚年屈居旺角西洋菜街天台屋，人生别若云泥，传奇也矣。

 香港书院仔，自细迷电影，十五岁斗胆与同学到上海投考电影公司，又畀佢中咗。返港后发扬光大。唯香港沦陷时，曾卖故衣为生。战后与胞姐合创影片公司，片务蓬勃，自拥片场、戏院，亦曾拥过半条街物业。

 又係赌字害人。上世纪六十年代来澳拍《海角惊魂》，偶入赌场玩廿一点，赢咗，惨矣！成副身家日后皆入赌场库房。坊间有人计数：华叔输咗三亿。

 老友林蛟同佢解画：片场係烧咗，戏院则租贵，所以冇晒。是耶非耶，无关重要矣！数十年打拼，收足名誉，冇晒身家，然照样人生，华叔果然铁汉。今日乃华叔百零八岁冥寿。

 西门公子