人称才子，佢自谦唔够格；因在电视摆龙门阵，与金庸、倪匡、黄霑人称香江四大才子。于今硕果仅存，剩得佢矣。吃喝玩乐集一身，执笔吹水两皆能。得此技者，唯才子蔡澜也。

 “健康秘诀七个字，食烟饮酒唔运动”係佢警世名言；猪油捞饭佢至爱。问佢全球美食可飞起边道菜，佢拣火锅，认为此食“冇文化”。由是食界争论滚热辣，佢阔佬懒理：“唔啱听者，当佢唱歌。”

 电视上才子豪饮劲食，见之开心。然佢笑语西门：“对住镜头就係！”倘学佢镜头前镬镬酒酣饭饱，入医院得矣。才子深谙养生之道，慎食做骚两不误。佳餚美酒每点到即止，谨而慎之。

 才子原籍星洲，因不喜政府“乜都管”，索性落户香港，自认係最明智选择。然最后竟落籍马交，年年照分政府万金。唯当年搞了个饮食城，未能善终。今日乃蔡才子八十二龄寿诞。

 西门公子