“唔够硬净、想安稳一生，千祈咪选港姐。皆因参选改写你一生，得了金钱名气，失了宝贵自由。此名衔绑足你一世！”倘局外人出此言，当佢唱歌；然出自港姐过来人之口，就係金石良言。

 当年狗公仔如今岁暮忆旧，当毋忘半世纪前首届香港小姐孙泳恩。一九七三年，孙妺以十八之龄艳压群芳，首写香江美人史。亚军容朱迪，季军刘慧德，日后名重影坛的赵雅芝亦只屈居第四，靓女云集，史无前例。

 “以为当香港小姐可终生免费坐车坐船坐飞机兼环游世界。”妹妹仔纯情得可爱。然虚荣之路毕竟虚无，孙妹虽出人头地，却人生跌宕，只落得两断婚盟，拍卫生巾广告以维生。

 过来人语，自当为鉴。美人争艳，于今依然。或名成利就，或嫁入豪门。然几许仍人海浮沉，甚或犯险失生，古仔多矣！孙妹今日已龄六十八，亦成孙姑妈矣，出言警世，善莫大焉！

 西门公子