一个胶公仔，卖足六十余年，玩大几代人，于今仍盛；形象百变，七十二行，谂得出都有，难怪妹妹仔锺意，阿姐阿姑也锺意。史上玩偶，无有咁长寿者。唯面世之初，因公仔体型玲珑浮凸太养眼，畀人闹到飞起。

 芭比，一个令人有嘢谂嘅公仔，係成年人的肯德基，细路仔嘅麦当劳。波兰裔美国人露丝当年在德国发现个胶公仔颇合眼缘，然衣着太性感，係成年人口味，佢想将之变为美国儿童版。

 一番改造，虽玲珑浮凸，却衣着密实，依然被认为惹人暇想，教坏细路。面世之初，无人落单。虽置于商场一隅，细路女却如蚁附羶，即时热卖。仅一年间，即创下销售奇迹，且历久不衰。

 “芭比之母”露丝童心未泯，悉心培育芭比。数十年间，竟为芭比设计更衣数千款，令芭比青春常驻，形像常新，无怪乎阿姐阿妹趋之若鹜。廿一年前今日，露丝因病离世，终年八十五。

 西门公子