一百一十一年前今日，午夜十一时四十分，一条新闻轰动全球，其影响乃至今天。世界最大邮轮首航于大西洋撞冰山，两个钟后沉没，千五人葬身海底。此船，港澳人称铁达尼号，内地则叫泰坦尼克号。

 沉船最后余生者亦早已离世，亲历故事无缘再续，仅余史载或遗物，尚可猜测当年侧影。沉船死人大件事，一经写手加料，浪漫悲情，兼而有之；搬上大银幕，讲到似层层，顺便发埋死人财。

 呢单海难，百余年间，余韵不断，真真假假，姑妄听之。然据史载，事发之时，确因船员冇望远镜，未能及时发现冰山。原来望远镜由大副锁起，佢却冇上船，乃至肇祸。尤甚者，沉船发射求救火箭，隔篱船以为烧烟花，观之赏心；有者则关了收报机，根本唔知有人叫救命。上天冥冥，似乎整定。

 沉船遗骸于今犹在，惟专家预言，因海底细菌侵蚀，再过几年，将连渣冇剩。

 西门公子