小城步伐日见急速，打工一族最为烦恼的，相信便是午饭何处？这问题也曾对个人造成困扰，直至……遇上它！

 藏身于澳门永利酒店嘅“咖啡廷”，或许不少人认为：食餐晏仔啫，使唔使咁隆重咁贵？于五星酒店用膳，令人有此想法绝对正常！但若说“咖啡廷”并非什么昂贵食府，只是摩登茶餐厅，大家又可否释然？

 餐厅以葡萄牙菜作主打，却加入唔少港澳茶餐厅元素，  餐牌，五香肉丁即食麵、双蛋香肠餐、阿华田、好立克、港式鸳鸯等，Jesus……剎那间不禁令人神游十月初五街屹立至今嘅南屏雅叙！

 虽说此处不贵，却绝不能说便宜，只不过其套餐却认真超值，共有六款选择，全部有主菜、沙律、甜品及饮品跟尾。其中一款仲有薯蓉青菜汤，一律都係百零文绝不过两嚿，加上有免费泊车。于是一百几十买来优哉游哉，穿着得靓靓仔仔，既不用懊恼香车流落街头，日晒雨淋赶入錶，亦不愁五脏庙无餚供奉，岂不妙哉？

 个人最欣赏咖喱牛腩套餐。咖喱辛香不辣，而咖喱嘅本质，被香料提升到极致，牛腩炆得又腍又香又好咬口，精华酱汁既非叠记或咖喱文一族，亦不是印度天花板境界，愚见以为，更近似摩洛哥式混合香料般精彩！就是如此，一盏茉莉香米白饭，半粒不留！

 ·紫纹卿·